Projekti synonte:   

• përmirësimin e praktikave të menaxhimit mjedisor në nivel kombëtar dhe nxitjen e proceseve vendore të planifikimit mjedisor në strukturat kombëtare në Kosovë*;
• përfshirjen e komunave përfituese në proceset zhvillimore kombëtare dhe ndërkombëtare;
• ofrimin e ndihmës  në dialog për çështjet mjedisore në mes të komunave në Kosovë dhe me partnerët e mundshëm ndërkombëtarë;
• përfshirjen e burimeve financiare  në dispozicion, qofshin lokale apo  kombëtare; dhe
• ofrimin e ndihmës  në planifikimin e investimeve dhe sigurimin e  qëndrueshmërisë financiare të komuniteteve  vendore.

Projekti përfshiu 10 komunitete lokale në 10 pilot-projekte në Kosovë*. Një total prej 1,500000 eurosh u sigurua për investime direkte dhe komunat morën udhëzime për zbatimin e projekteve prioritare të investimeve mjedisore në komunitetet e tyre. Rreth 150 ekspertë nga autoritetet lokale dhe kombëtare, shërbimet publike dhe institucionet e tjera morën pjesë në trajnime të synuara për zhvillimin e PLVM-ve në komunitetet e tyre dhe për financimin e projekteve të investimeve mjedisore.

Si rezultat i aktiviteteve të projektit:

• 10 PLMV u miratuan nga kuvendet komunale me pjesëmarrjen e komunitetit dhe akterëve kombëtarë;
• PLMV-të e miratuara iu prezantuan organizatave vendore dhe ndërkombëtare si dhe komunitetit të donatorëve që janë aktivë në Kosovë;
• u shkëmbyen përvojat dhe mësimet e nxjerra gjatë zhvillimit dhe zbatimit të PLMV-ve përmes takimeve, forumeve dhe vizitave studimore; dhe
• u kryen investimet kapitale në projekte të përzgjedhura mjedisore.

• Ngritje e kapaciteteve
• Planifikim i investimeve
• Iniciativa lokale
• Komunikim
• Organizim i trajnimeve dhe punëtorive